புகைப்படம்

புகைப்படம்

கவிதை- கேட்காதீர்கள்

கேட்காதீர்கள்
-------------------------
செங்கான் கார்முகில் 


மாநகராட்சியினர் ஏதேனும்
பள்ளங்கள் தோண்டி வைத்திருக்கலாம்
சாக்கடைச் சுரங்கம் திறந்து கிடக்கலாம்
குப்பை லாறிகளின் கழிசல் கிடக்கலாம்
கட்டிட கான்ட்ராக்டர்கள்
மிச்சம் மீதிகளை விட்டுப்போயிருக்கலாம்
நாய்க் கழிவுகள் இருக்கலாம்
பிச்சைக்காரர்கள் படுத்துக்கிடக்கலாம்
போதைத் தோழர்கள் தள்ளாடி வரலாம்
போக்கிடமற்றவர்கள்
ஒண்ணுக்கு ரெண்டுக்குப் போயிருக்கலாம்

ஆகவே நான்
தரையைப் பார்த்தபடியேதான்
வருகிறேன் பெரும்பாலும்.

அந்த நட்சத்திரக் கட்டிடத்தைப் பார்த்தீரா
கோட்டைபோன்ற அந்த வீட்டைப் பார்த்தீரா
உலகப்புகழ்பெற்ற அந்த நிறுவனத்தைப் பார்த்தீரா
அந்த அதிகாரியின் தோட்டத்தைப் பார்த்தீரா
அதைப் பார்த்தீரா,இதைப் பார்த்தீரா
என்றெல்லாம் கேட்காதீர்கள்...

நான் நடந்து வருகிறேன்!!

கவிதை - பாதம் பட்ட பாதை

மரங்கள்
உதிர்த்த மலர்களை
பொறுக்கிக்கொண்டே
வருகிறேன்!
இந்த 
வழியாகத்தான்
போனாள் அவள்...